आज दिनभरि मौसम बदली रहने
धनगढीः सुदूरपश्चिम प्रदेशलगायत क्षेत्रको अधिकांश स्थानमा आज सोमबार दिनभरि मौसम बदली रहने जनाइएको छ।
पश्चिमी वायुको प्रभावले दिनभरि तराई क्षेत्रमा पानी पर्ने र पहाडी तथा हिमाली क्षेत्रमा हिमपात हुने सम्भावना रहेको महाकाली बेसिन फिल्ड कार्यालय अत्तरियाले जनाएको छ।
सो कार्यालयका मौसम विज्ञान सहायक सिंगल चौधरीले आइतबारसहित ३ दिन मौसम खराब रहने देखाइएपनि मंगलबारदेखि क्रमिक रुपमा मौसममा सुधार आउने जानकारी दिए।
कैलालीलगायत जिल्लामा आइतबारदेखि मौसममा खराबी देखिनुको साथै अधिकांश स्थानमा पानी परेको छ।
दिनेश खबर
