२४ घण्टामा ४४५ जना काेराेना सङ्क्रमित थपिए

  पुस २९, २०७७ बुधबार

काठमाण्डाै – नेपालमा पछिल्लाे २४ घण्टामा चार हजार एक सय ५४ जनाकाे पीसीआर परीक्षण भएकाेमा चार सय ४५ जनामा काेराेना भाइरसकाे सङ्क्रमण पुष्टि भएकाे छ । योसँगै काेराेना सङ्क्रमितको कुल सङ्ख्या दुई लाख ६६ हजार एक सय ४३ पुगेको स्वास्थ्य तथा जनसङ्ख्या मन्त्रालयले जनाएको छ ।

त्यस्तै पछिल्लाे २४ घण्टामा काठमाण्डौमा एक सय ८९ जना, ललितपुरमा ३८ जना र भक्तपुरमा १९ जनामा सङ्क्रमण देखिएकाे छ । 

यस्तै गएको २४ घण्टामा चार सय १४ जना कोरोनामुक्त भएका छन् । योसँगै कोरोनामुक्त हुनेको कुल सङ्ख्या दुई लाख ५९ हजार सात सय ७२ पुगेको छ ।

थप पाँच जना सङ्क्रमितको ज्यान गएसँगै कोरोना भाइरसको सङ्क्रमणका कारण नेपालमा ज्यान गुमाउनेको सङ्ख्या एक हजार नाै सय ३७ पुगेको छ ।       

नेपालमा बुधबारसम्म चार हजार चार सय ३४ जना सक्रिय सङ्क्रमित आइसाेलेशनमा रहेका छन् । त्यस्तै दुई सय ३७ जना क्वरेण्टीनमा रहेका छन् । 

Leave a Reply

Your email address will not be published. Required fields are marked *

सम्बन्धित समाचार

Back to top button