पार्टी विधि विधान अनुरुप नचलेकै कारण उपसभापती पदबाट राजीनामा दिए : ढुगांना

कमल रावल ,माघ १८ अछाम

नेपाली काग्रेस अछामका उपसभापती चन्द्र प्रसाद ढुगांनाले पार्टी विधि विधान सहीत पद्धतीमा नचलेका कारण पदबाट राजीनामा दिएको बताउनु भएको छ ।

पार्टीको निती नियम सहीत बिधि बिधान एकातीर नेतृत्व पंक्ति अर्को तिर हिटेकाले आफुलाई पदमा बस्नु उचित नरहेको बताउदै राजीनामा दिएको बताउनु भयो ।

नेपाली काग्रेस अछामको उपसभापती पदबाट राजीनामा दिएपछी आफ्नो राजीनामा किन भन्ने बिषयमा मंगलसेनमा पत्रकार सम्मेलन गर्दै ढुगाँनाले लोकतन्त्रको पक्षमा आफु जहीले पनी उभिएकाले पार्टी ब्यक्तिबादी सोच चिन्तनका कारण चलेकाले यो सुधार हुने जरुरी रहेको बताउनु भयो ।

आफुले पार्टीको बैठकमा पटक पटक पार्टीलाई सुदृढ गर्दै मर्यादा क्रमलाई ख्याल गर्दै अगाडी बढन आग्रह गर्दा पनी नसुनेकाले यतीबेला पत्रकार सम्मेलन गर्नु परेको बताउनु भयो ।

माघ १४ गते आफुले दिएको राजीनामा अहीले फिर्ता नहुने बताउदै आगामी फागुन ५ गतेबस्ने जिल्ला कार्य समितीको बैठकमा आफ्ना मुद्दालाई निर्णय गरि कार्यान्वयन गर्दै लैजाने सहमती भएको बताउनु भयो । आफुले अहीले नै लिखीतै रुपमा प्रतिबद्धता सहीत निर्णय गरु भनेको तर जिल्ला कार्य समितीको बैठकसम्म पर्खनु पर्ने बताउनु भयो ।

सोही अवसरमा पत्रकार सम्मेलनको शुभारम्भ गर्दै सुरुमै ढुगांनाले दुबै मृगौला फेल भएर उपचार गराईरहेका पत्रकार धुब्र बिसिको उपचारमा सहयोग होस भन्ने उद्देश्यले प्रमुख अतिथी नेपाली काग्रेस अछामका पुर्व पार्टी सभापती कर्ण बहादुर केसीले नगद ११ हजार हस्तान्तरण गर्नु भएको थियो । पुर्व पार्टी सभापती केसीले पार्टी भित्रैबाट सघर्ष गर्दै अघि बढने बताउनु भयो ।

लोकतन्त्रको रक्षाका लागी पटक पटक आन्दोलन गरेको स्मरण गर्दै कसैका ब्यक्तिगत विचारमा पार्टी चल्न नसक्ने बताउनु भयो । आफनो झण्डै ५० बर्ष जती लगानी नेपाली काग्रेस पार्टीमै लगानी भएकाले अबको नयाँ पुस्तालाई अगाडी बढाएरै लिने बताउनु भयो ।

ढुगांनासंगै पार्टीबाट राजीनामा दिएका मंगलसेन नगरपालीका वडा नम्बर २ का वडा सभापती दिलिप बोगटीले आफु स्वयम वडा सभापती रहेको तर नेतृत्व तहले आफुलाई जानकारी समेत नदिएर नयाँ वडा कार्य समिती चयन गरेकाले आफुले राजीनामा दिएका बताउनु भयो । पत्रकार सम्मेलनमा जिल्ला स्थित पत्रकार, मंगलसेन नगरपालीकाका विभिन्न वडाका काग्रेस वडा सभापतीको सहभागीता रहेको थियो ।

Leave a Reply

Your email address will not be published. Required fields are marked *

सम्बन्धित समाचार

Back to top button

Adblock Detected

Please consider supporting us by disabling your ad blocker