उपप्रमुख उपाध्यायको टोलीद्धारा वडानम्वर १० र ११ मा बिभिन्न योजनाको अनुगमन
होम साउद, अछाम ९ फागुन ।
मंगलसेन नगरपालिका उपप्रमुख सरिता उपाध्याय सहितको एक टोलिले वडानम्वर १० र ११ मा बिभिन्न योजनाको अनुगमन गरेको छ । टोलिले वडानम्वर १० मा कैलाशेश्वर आधारभूत विद्यालय र मंगलाशैनी आधारभूत विद्यालयको निर्माण सम्पन्न भएको घेरापर्खालहरु र ११ नम्वर वडा कार्यालयको भवन मर्मत कार्यको अनुगमन गरेको हो ।
अनुगमनका क्रममा ३ वटै योजनाको काम सन्तोषजनक रहेको पाईएको छ । अनुगमन पश्चात नगर उपप्रमुख उपाध्यायले उपभेक्ता समिति पदाधिकारीलाई तोकिएको मापदण्ड अनुसार दीगो र भरपर्दो हुने गरि योजना सम्पन्न गर्न निर्देशन गर्नुभयो ।
अनुगमन ६लिमा वडानम्वर १० का अध्यक्ष नेत्र बहादुर रावल, ११ का अध्यक्ष डबल बहादुर भण्डारी, नगरपालिकाका एमआईएस अपरेटर होम बहादुर साउद, पत्रकार शिवराज ढुंगाना र वडा प्राविधिक नारायण रेग्मीको सहभागिता रहेको थियो ।
