भगवान् भरोसामा सुदूरपश्चिमका कोरोना सङ्क्रमित

कैलाली – सुदूरपश्चिममा बिहीबारसम्म कोरोना सङ्क्रमितको संख्या ११ हजार नजिक छ ।

सङ्क्रमितमध्ये ८ हजार ७ सय ३८ जनाले कोरोना जितेका छन् भने ४२ जनाको ज्यान गएको छ । प्रदेशभित्रै भने २९ जना कोरोना सङ्क्रमितको ज्यान गएको स्वास्थ्य निर्देशनालयले पुष्टि गरेको छ । सेती प्रादेशिक अस्पताल अन्तर्गतको अस्थायी कोरोना अस्पतालमै उपचारका क्रममा १२ जनाले ज्यान गुमाएको अस्पतालका सूचना अधिकारी दिलीपकुमार श्रेष्ठले बताउनु भयाे । उहाँका अनुसार अहिलेसम्म अस्थायी कोरोना अस्पतालमा जटिल अवस्थाका झण्डै चार सय सङ्क्रमितले उपचार गराएका छन् ।

कोरोना सङ्क्रमितको संख्या दिनहुँ बढ्दै गएपछि सुदूरपश्चिम प्रदेशमा उपचार पाउन नसक्ने अवस्था देखिएको छ । गम्भीर प्रकृतिका लक्षणसहित सङ्क्रमित बढेपछि सुदूरपश्चिममा भएका सीमित आईसीयू, भेन्टिलेटर र आइसोलेशन बेड भरिभराउ छन् । आईसीयू र भेन्टिलेटर नपाएर कयौँ सङ्क्रमित समस्यामा पर्न थालेका छन् त होम आइसाेलेशनमै बसेका सङ्क्रमितको ज्यान जान थालेको छ । सुदूरपश्चिमका कोरोना सङ्क्रमितहरु भगवान् भरोसामा बाँचिरहेका छन् । 

Leave a Reply

Your email address will not be published. Required fields are marked *

सम्बन्धित समाचार

Back to top button