जिल्ला अस्पताललाई एमाले र अनेम संघद्वारा स्वास्थ्य सामग्री सहयोग (अडियो सहित)

टेकराज भण्डारी, असार ९, अछाम

जिल्ला अस्पताल अछामलाई स्वास्थ्य सामग्री सहयोग गरिएको छ । नेकपा एमाले अछाम र अखिल नेपाल महिला संघ अछामले औषधि तथा स्वास्थ्य सामग्री सहयोग गरेको हो । कोरोना महामारीको समयमा जिल्ला अस्पताल अछामलाई आवश्यक रहेका विभिन्न स्वास्थ्इ सामग्री प्रदान गरिएको हो ।

जिल्ला अस्पताल स्वास्थ्य व्यवस्थापन समितिका अध्यक्ष प्रभुनाथ खनाल, अस्पताल प्रमुख मेडिकल सुपरिटेन्डेन्ट डाक्टर सोनाली बास्कोटा मार्फत स्वास्थ्य सामग्री प्रदान गरिएको हो । नेकपा अछामका कार्यालय सचिव नमराज न्यौपाने तथा अनेमसंघका अध्यक्ष बिन्दु रावलले स्वास्थ्य सामग्री प्रदान गर्नुभएको हो । ५ थान पीपीई सेट, ७ हजार सटिामोल, १५ सर्जिकल मास्क, ५ डिब्बा सेनिटाईजर लगायतका सामग्री प्रदान गरिएका हुन् ।

सुदूरपशिचम प्रदेश समाजिक विकास राज्यमन्त्री मना साउदको सहयोग तथा अनेमसंघको अगुवाईमा तथा नेकपा एमाले अछामको सहयोगमा सामग्री प्रदान गरिएको अनेमसंघका अध्यक्ष रावलले बताउनु भयो ।

अनेमसंघका अध्यक्ष बिन्दु रावल

पछिल्लो समय कोरोना महामारीको दोस्रो लह फैलिएसंगै विभिन्न सहयोगी निकायबाट स्वास्थ्य सामग्री प्रदान गर्ने कार्य भैरहेको छ । आफ्नो पार्टीले जिल्ला अस्पताल सहित विभिन्न स्वास्थ्य संस्थालाई स्वास्थ्य सामग्री प्रदान गरेको एमाले कार्यालय सचिव न्यौपानेको भनाई छ ।

नेकपा अछामका कार्यालय सचिव नमराज न्यौपाने

महामारीको समयमा विभिन्न सहयोगी निकायबाट भएको स्वास्थ्य सामग्री सहयोगले अस्पताल व्यवस्थापन तथा बिरामीको उपचारमा निकै सहयोग पुगेको जिल्ला अस्पतालका मेडिकल सुपरिटेन्डेन्ट डाक्टर सोनाली बास्कोटाको धारणा छ ।

जिल्ला अस्पतालका मेडिकल सुपरिटेन्डेन्ट डाक्टर सोनाली बास्कोटा

कोरोना संक्रमित विरामीको उपचार तथा अन्य बिरामी एवं स्वास्थ्यकर्मीको सुरक्षाका लागि विभिन्न सामग्री सहयोग भएको र यसबाट सेवा प्रबाहमा सहयोग पुगेको अस्पतालले जनाएको छ । अस्पताल तथा राज्य एक्लैले केही गर्न नसक्ने तथा सबैको सहयोगले निकै राहत पुगेको अस्पताल व्यवस्थापन समितिका अध्यक्ष प्रभुनाथ खनालको भनाई छ ।

अस्पताल व्यवस्थापन समितिका अध्यक्ष प्रभुनाथ खनाल

विभिन्न सहयोगी निकायले अक्सिजन कन्सन्टेटर, अक्सिजन सिलिण्डर, पीपीई सेट, मास्क, स्यानिटाईजर लगायतका स्वास्थ्य सामग्री सहयोग गरेका जिल्ला अस्पताल अछामका सुचना अधिकारी गंगा बुढामगरले बताउनु भयो ।

Leave a Reply

Your email address will not be published. Required fields are marked *

Related Articles

Back to top button