अछाम असार २९
अखिल क्रान्तिकारी अछामले महंगी र कालोबजारी बिरुद्ध सदरमुकाम मंगलसेनमा प्रदर्शन गरेको छ ।
महंगी नियन्त्रण तथा कालोबजारी बिरुद्ध सदरमुकाम मंगलसेनमा प्रदर्शन गरिएको अखिल क्रान्तिकारी अछामका अध्यक्ष दिपेन्द्र जयगढीले बताउनु भयो । मंगलसेनको बैरागीधाराबाट बिरोध जुलुस निकाली बीच बजारमा कोण सभा गरिएको थियो ।
कोण सभामा बोल्दै अखिल क्रान्तिकारी अछाम बाजुरा ईन्चार्ज रमेश बिसीले कोरोना महामारीको यो अवस्थामा महंगी बृद्धि तथा कालोबजारी भैरहेको भन्दै यसको नियन्त्रणका लागि सरकार जिम्मेवार बन्नुपर्नेमा जोड दिनुभयो ।
यो अवस्थामा राज्य जनताप्रति उत्तरदायी भई जनताको जनजीविकाका सवालमा अग्रसर हुनुपर्ने उहाँको भनाई छ ।
संगठनको निर्देशन अनुसार आज देशका ७७ वटै जिल्ला सदरमुकाममा बिरोध प्रदर्शन गरिएको जिल्ला अध्यक्ष जयगढीले बताउनु भयो ।
