नेपालमा थप तीन जनाको कोरोनाका कारण मृत्यु

काठमाडौं । नेपालमा कोरोनाका कारण थप तीन जनाको मृत्यु भएको छ । मृत्यु हुनेमा दाङका दुई र झापाका एक जना छन् ।

दाङका दुई जना पुरुषको बाँकेको कोहलपुर मेडिकल कलेजमा उपचारका क्रममा मृत्यु भएको हो ।

केही समयदेखि उच्च रक्तचापको समस्या रहेका घोराहीका ६७ वर्षीय पुरुषलाई कात्तिक २६ गते संक्रमण पुष्टि भएको थियो ।

यस्तै तुलसीपुरका ६८ वर्षीय पुरुषको स्वास्थ्य समस्या आएपछि मंसीर ४ अस्पताल भर्ना भएपछि संक्रमण पुष्टि भएको थियो ।

उनको उपचारका क्रममा आज बिहान मृत्यु भएको हो । उनमा केही समयदेखि मधुमेहको समस्या थियो ।

उता, झापाको मेचीनगर बाहनडाँगीका ४५ बर्षिय पुरुषको धरानस्थित वीपी कोइराला स्वास्थ्य विज्ञान प्रतिष्ठानमा मृत्यु भएको छ ।

मंसिर १ गते संक्रमण पुष्टि भएका उनकोे स्वास्थ्यमा समस्या आएपछि मंसिर ३ गते प्रतिष्ठानको कोभिड १९ अस्पतालमा भर्ना गरिएको थियो ।

Leave a Reply

Your email address will not be published. Required fields are marked *

सम्बन्धित समाचार

Back to top button

Adblock Detected

Please consider supporting us by disabling your ad blocker