अछाम : अछाममा एक जना पुरुष मृत अवस्थामा भेटिएका छन् ।
जिल्लाको रामारोशन गाउँपालिका वडा नम्बर ६ भाटाकाटीयाका गगने साउँदको शव मृत अवस्थामा भेटिएको हो ।
अन्दाजी ३० बर्षीय साउँद कार्तिक २१ गते भारतबाट मुजाबगर पुगेका थिए ।
तर उनी आज स्थानीय टुडिसैन सालघाडी भिरमा मृत अवस्थामा फेला परेको वडाध्यक्ष उदय बहादुर साउँदले जानकारी दिनुभयो ।
भारतबाट आएका उनी घर नपुग्दै मृत अवस्थामा भेटिएका हुन् ।
घटनाबारे अनुसन्धान गर्न जिल्ला प्रहरी कार्यालय अछामको टोली खटिएको प्रहरी निरीक्षक गङ्गादत्त बडूले बताउनुभयो ।
