मंगला नेरा मावि ओलिगाउका लेखापाल माधव शर्माको मोटरसाइकल दुर्घटनामा परेर मृत्युु भएको छ । मंगलसेनबाट साफेबगर जाने क्रममा मंगलसेन साँफेबगर सडक खण्ड अन्तरगत कैलाशखोला नजिक ओलिगाउ जाने सडकको जिरोपन्ट तल खसेर मृत्यु भएको हो ।
अन्दाजी ४० बर्षिय मृतक शर्माले चलाएको से.६ प १८९९ नम्बरको मोटरसाइकल सहित सडकबाट करिब ६८ फिट तल खसेको अबस्थामा शुक्रबार बिहान करिब साढे ७ बजेपछि शव भेटिएको थियो ।
जिल्ला प्रहरी कार्यालय अछाम प्रमुख डिएसपि रविराज थपलिया, ईनिस्पेक्टर गंगादत्त बढु सहित प्रहरीको टोलि घटना स्थलमा पुगेर आवश्यक मुचुल्का तयार पारि शवलाई पोष्टमार्टमाका लागि जिल्ला अस्पताल अछाममा ल्याईएको छ ।
मोटरसाइकल दुर्घटना भएको क्षेत्रमा केही संमास्पद बस्तु समेत भेटिएको छ । घटनामा कारणले भएको भन्ने बिषयमा अनुसन्धान जारी रहेको जिल्ला प्रहरी कार्यालय अछामले जनाएको छ ।
दुर्घटना स्थलका तस्बिर :
