आनन्द साँउद बैशाख २४, अछाम नेकपा एमाले मंगलसैन नगरपालिका वडा नम्बर १४ कालागाउँकाे घरदैलो कार्यक्रम तथा पार्टी प्रवेश कार्यक्रम सम्पन्न भएको छ ।
नेकपा एमाले वडा नम्बर १४ का अध्यक्ष पदकन उम्मेदवार शिवबहादुर साेडारी सहितका नेता कार्यकर्ताहरुकाे सहभागीतामा कार्यक्रम भएको हाे । अध्यक्षका उम्मेदवार साेडारीले कालागाउँकाे समग्र विकासका लागि आफ्नाे टिमलाई विजयी गराउन आग्रह गर्नुभयो ।
कालागाउँमा एमालेप्रति जनलहर बढेको भन्दै विगतमा पनि एमालेका जनप्रतिनिधिले वडाकाे विकासका लागि महत्त्वपूर्ण भूमिका खेलेको उल्लेख गर्नुभयाे । कार्यक्रममा बिर्ख बहादुर सोडारी, ललित सोडारी, कैलाश नेपाली लगायतका एक दर्जन व्यक्ति विभिन्न पार्टी परित्याग गर्दै नेकपा एमालेमा प्रवेश गरेका नेकपा एमाले अछाम- काठमाडौ सम्पर्क मंचका सदस्य राजेन्द्र सोडारीले बताउनु भयाे ।
कार्यक्रममा नेकपा एमाले जिल्ला कमिटी सदस्य हिक्मत बहादुर सोडारी, महिला सदस्यका उम्मेदवार हंशकला रेग्मी, दलित महिला सदस्य डिक्रा परियार, सदस्यहरु हर्क तिरुवा र रम्ब लुहार लगायत २ सय बढी नेता कार्यकर्ताकाे सहभागीता रहेकाे थियाे ।
