टेकराज भण्डारी, कात्तिक ३०, अछाम
अछाम सहित सुदूरपश्चिम प्रदेशका पहाडी जिल्लामा निरन्तर भुकम्पका परकम्प जान थालेपछि यश क्षेत्रका बासिन्दा त्रसित बनेका छन् ।
गत कात्तिक २२ गते राती ९ बजेर ७ मिनेटमा खप्तड राष्ट्रिय निकुञ्जमा केन्द्रबिन्दु बनाई आएकाे भुकम्पछि निरन्तर साना ठुला परकम्प गैरहेका छन्।
पहिलाे भुकम्प गएपछि २३ गते बिहान २ बजेर १३ मिनेटमा ६.६ रेक्टर स्केलकाे परकम्प गएकाे यहाँ एक हप्ताकाे अवधिमा ६ सय २८ बढी परकम्प गैसकेका राष्ट्रिय भुकम्प मापन तथा अनुसन्धान केन्द्र सुर्खेतका प्राविधिक सहायक राजु शर्माले जानकारी दिनुभयाे ।
मंगलबार साँझ ६ बजेर ८ मिनेटमा मात्रै अछामको बाब्ला आसपास केन्द्र बिन्दु बनाएर ४ दशमलव २ रेक्टर स्केलकाे भुकम्प गएकाे थियाे ।
पहिलाे भुकम्प पछि हालसम्म ४ रेक्टर स्केल माथिका मात्रै पाँच वटा भुकम्प गएका केन्द्रले जनाएको छ ।
जताततै भुकम्पकाे त्रास
निरन्तर सानाठुला भुकम्प जान थालेपछि स्थानीय त्रासमा बस्न बाध्य रहेका छन् ।
उनीहरु घरबाहिर खुला आकाशमा त्रिपालमुनि बस्न बाध्य छन् ।
भुकम्प आएपछि मंगलसेन-६ अछामका कक्षा ९ मा अध्ययन गर्ने चन्द्रकान्त भण्डारी घरभित्रै जान डराईरहेका छन् । “आफ्ना लुगाकपडा तथा सरसामान ल्याउन समेत बहिनीलाई अह्राउने गरेकाे र आफू घरभित्रै जानै छाडेकाे छ।” उहाँका आमा झुप्रि भण्डारीले बताउनु भयाे ।
चन्द्रकान्त जस्तै गाउँका अधिकांश भुकम्पकाे डरले घरभित्र पस्न डराउन थालेकाे वडा अध्यक्ष देबेन्द्र प्रसाद भण्डारीकाे भनाइ छ । यही डरले घर बाहिर पाल टाँगेर बस्ने गरेका उहाँले बताउनु भयाे । आफ्नाे वडाका २८ पूर्ण क्षति र २२ आंशिक क्षति गरि ५० घरमा क्षति पुगेकाे उहाँको भनाइ छ।
करिब ६० प्रतिशत घरमा क्षति
जिल्लाका करिब ६० प्रतिशत बढी घर भुकम्पका कारण चर्किएका छन् । जिल्लाको साँफेबगर, मेल्लेख, चाेैरपाटी, बान्नीगढी- जयगढ, मंगलसेन लगायतका क्षेत्रका घरमा बढी असर गरेकाे प्रहरीले जनाएको छ । मंगलसेन नगरपालिकामा मात्रै ४ सय ८४ घरमा क्षति पुगेकाे नगरप्रमुख पदम बहादुर बाेहराले बताउनु भयाे। त्यसमध्ये ३ सय ८० घर पूर्ण रुपमा क्षति भएका नगरपालिकाले तथ्यांक संकलन गरि सम्बन्धित निकायमा पेश गरेकाे उहाँको भनाइ छ ।
आफै अनुगमनमा गएकाे र अधिकांश भुकम्पकाे डरले खाली ठाउँमा त्रािपालमा रात बिताउन बाध्य रहेका नगरप्रमुख बाेहराले बताउनु भयाे ।
२२ कात्तिककाे भुकम्पमा डाेटीका ६ जनाकाे ज्यान गएकाे र उक्त फाेटाे तथा भिडियाे आफुले पनि सामाजिक सञ्जालमा हेरेकाेले त्यस्तै नियति भाेग्नुपर्ने हाे कि भनेर घर बाहिरै बस्ने गरेकाे उनीहरुकाे भनाइ छ । त्रिपालमुनि बस्दा विशेष गरि, बालबालिका, जेष्ठ नागरिक तथा महिनाबारी भएका महिला बढी प्रभावित भैरहेका छन् ।
महिनाबारी भएकाहरु त सानाे डाेकाेमा खुला आकाशमुनि बस्न बाध्य रहेकाे पाईएकाे छ।
बढीजसाे जिल्लामा साँफेबगर क्षेत्रका घरहरुमा क्षति पुगेको पाईएकाे छ । भुकम्पकाे केन्द्रबिन्दुसंगै जाेडिएकाे त्यस क्षेत्रमा अधिकांश घरहरु पुर्ण क्षति भएकोले घरबाहिर बस्नुपरेकाे स्थानीय पुजा बुढाले बताउनु भयाे । साँफेबगरमा भुकम्पका कारण सडक माथिबाट सुख्खा पहिराे समेत गएकाे छ ।
जिल्लाका कमलबजार, ढकारी, तुर्माखाँद, पञ्चदेवल विनायकमा समेत स्थानीय त्रिपालमा बस्ने गरेकाे पाईएकाे छ । चिसाे बढ्दै गएकाे, परकम्पन निरन्तर गईरहेकाे अवस्थामा स्थानीयकाे जनजीवन कष्ठकर बन्दै गैरहेकाे छ ।
