अछाममा जिप दुर्घटना हुँदा एक जनाको मृत्यू भएको छ । चौरपाटी गाउँपालिका ५ लुंग्रा स्थित आमरुख नजिक से १ झ ४२९ नम्वरको जिप बिहान दुर्घटना हुँदा पुर्बिचौकी ४ डोटि घर भइ मामा घर आएका डेढ बर्षिय बालक इसान खडकाको मृत्यू भएको हो ।
जिपमा सवार अन्य १५ जना घाईते रहेका छन । घाईतेहरु सवैको बयालपाटा अस्पतालमा उपचार भईरहेको त्यहाँबाट सहकर्मी भवानी ढुंगानाले जानकारी दिनुभयो । उहाँका अनुसार २ जनालाई गम्भिर चोट लागेकोले अवस्था मध्ययम रहेको छ भने अन्यको अवस्था सामान्य रहेको छ ।
घाईतेहरुमा चौरपाटी ५ का अन्दाजी ५ वर्षिय दिपेन्द्र रावल, ८ वर्षिय स्माईल रावल, डोटी पूर्वीचौकी ४ की २३ वर्षिय अनिषा खड्का, चौरपाटी गाउँपालिका ५ का ११ वर्षिय आयुष खड्का, ७३ वर्षिय दान बहादुर खड्का, ७२ वर्षकी गंगा खड्का, ७५ वर्षिय गौरी देवी खड्का रहेका छन । यस्तै सोही वडाका वर्ष ६ का वसन्त मिजार, ७६ वर्षिय शिद्ध खड्का, वर्ष ६५ की धनसुवा खड्का, वर्ष २ को आज्ञान खड्का, वर्ष ८ को रमित मिजार, वर्ष ८ कै प्रमिशा रावल रहेका छन ।
जिप लुंग्राबाट साँफेबगर जाने क्रममा सडकबाट करिब तीन सय मिटर तल खसेको जनाईएको छ । दुर्घट्नाको विषयमा थप अनुसन्धन कार्य भैरहेको जिल्ला प्रहरी कार्यालय अछामका प्रवक्ता प्रहरी निरिक्षक राजेन्द्र साउदले जानकारी दिनुभयो ।
