पुस १२, २०७७ आइतबार
काठमाण्डाै – नेपालमा कोरोना भाइरसकाे सङ्क्रमण भएकामध्ये ९६ दशमलव आठ प्रतिशत निको भएका छन् ।
अहिलेसम्म दुई लाख ५८ हजार एक सय ८१ जनामा कोरोना सङ्क्रमण भएकोमा दुई लाख ४९ हजार आठ सय ६३ जना निको भएका स्वास्थ्य तथा जनसङ्ख्या मन्त्रालयले जनाएको छ ।
अहिले नेपालमा छ हजार चार सय ९३ जना कोरोनाका सक्रिय सङ्क्रमित रहेका छन् ।
पछिल्लो २४ घण्टामा छ जनासहित एक हजार आठ सय २५ जनाको ज्यान गएको छ ।
यस्तै गएको २४ घण्टामा देशभर तीन हजार आठ सय २८ जनाको पीसीआर परीक्षण गर्दा चार सय ८१ जनामा कोरोना सङ्क्रमण पुष्टि भएको स्वास्थ्य मन्त्रालयले जनाएको छ ।
यस्तै गएको २४ घण्टामा सात सय ३१ जना निको भएका छन् ।
